घरमा पनि सिकाइ निरन्तरताका लागि अभिभावकहरुले महत्वपूर्ण  भूमिका निभाउनु पर्ने कुरामा जोड

 -नबिन अयडी

 तोली,बाजुरा चैत्र २ गते -बाजुरा जिल्लाको त्रिवेणी नगरपालिकामा विपदका समयमा सिकाइ निरन्तरताका लागि सिकाइ आपूरण तथा द्रुत सिकाइ योजना(ReAl) कार्यान्वयन'  अन्तरगत ReAL Plan अनुसार सिकाइ आपूरण तथा द्रुत सिकाइ समीक्षा कार्यक्रम सम्पन्न भएको छ ।   त्रिवेणी नगरपालिका शिक्षा युवा तथा खेलकुद शाखाको आयोजनामा समीक्षा कार्यक्रम सम्पन्न भएको हो ।

समीक्षा कार्यक्रमका प्रमुख अथिती तथा त्रिवेणी नगरपालिका कार्यबाहक  नगर प्रमुख कमला जैसीन्यौपानेले विपद्का समयमा विद्यार्थीहरूको सिकाइ निरन्तरताको महत्वबारे चर्चा गर्दै स्थानीय स्तरमा प्रभावकारी योजना लागू गर्नुपर्नेमा जोड दिनुभयो। साथै उहाँले विद्यालय तहमा विपद् जोखिम न्युनिकरण तथा व्यवस्थापनका उपायहरू अपनाउनुका साथै विपदका समय सिकाइ निरन्तर गर्न आवश्यक रहेको बताउनुभयो। वडा नं ७ का वडा अध्यक्ष जुद्धबहादुर अयडीले शिक्षामा गुणस्तर बढाउन नविन प्रबिधि र नयाँ कार्यक्रम ल्याउन आवश्यक रहेको र शैक्षिक गुणस्तर बृद्धि गर्न अभिभाववहरु पनि जिम्मेवार हुनपर्ने कुरामा जोड दिनुभयो ।

समिक्षा कार्यक्रममा बोल्दै वडा नं ९ का वडा अध्यक्ष नन्द थापाले शैक्षिक गुणस्तर बढाउने सबै भन्दा ठूलो जिम्मेवारी विद्यालयका शिक्षकको रहेको उल्लेख गर्दै आफूले पढाएको विद्यार्थी देशको जिम्मेवार नागरिक बनाउन त्यहि अनुरुपको शिक्षा दिन आवश्यक रहेको बताउनुभयो ।  शैक्षिक सुधार गर्न शिक्षक अभिभावक र विद्यार्थी लाग्न पनि उहाँले अनुरोध गर्नुभयो ।

कार्यक्रममा बोल्दै त्रिवेणी नगरपालिकाका सामाजिक विकास समितिका संयोजक र वडा नं ४ का वडा अध्यक्ष  गणेशबहादुर साउदले शिक्षामा गुणस्तर बृद्धि गर्न हामी सबैले भूमिका निभाउन आवश्यक रहेको बताउनुभयो  ।  त्यस्तै उहाँले त्रिवेणीमा सबै भन्दा बढि लगानी शिक्षामा गर्न जरुरी रहेको भन्दै शिक्षामा परिवर्तन नगरी विकास नहुने कुरा बताउनुभयो । कार्यक्रममा  त्रिवेणी नगरपालिका वडा नं. १ का वडा अध्यक्ष मनबहादुर बुढाले बोल्दै  शिक्षक राष्ट्रका निर्माता हुन भन्दै शिक्षकको सम्मान र मर्यादा बढाउन आवश्यक रहेको बताउनुभयो ।

कार्यक्रम त्रिवेणी नगरपालिका निमित्त प्रमुख प्रशासकिय अधिकृत एवम  शिक्षा अधिकृत गणेश साउँदले रियल प्लान अनुसार सिकाई आपूरण तथा द्रुत सिकाईको बारेमा जानकारी गराउदै  बिद्यार्थीहरुलाई बिभिन्न क्रियाकलाब संचालन गरेर शैक्षिक आपूरण हुन सक्ने  भएकोले कार्यक्रमलाई आगामी दिनमा समेत  प्रभावकारी रुपमा अघि बढाउन आग्रह गर्नुभयो ।  उहाँले विपद्को समयमा पनि सिकाइ अवरुद्ध हुन नदिन समन्वयात्मक प्रयास आवश्यक रहेको भन्दै शिक्षा क्षेत्रमा नविनतम प्रविधिको प्रयोग, वैकल्पिक सिकाइ माध्यमको विस्तार तथा आपतकालीन योजनाको प्रभावकारी कार्यान्वयनमा ध्यान दिनुपर्ने बताउनु भयो । बिभिन्न बिद्यालयबाट कार्यक्रममा सहभागि शिक्षकहरुले विपद्का समयमा सिकाइ निरन्तरताका लागि सिकाइ आपुरण तथा द्रुत सिकाइ योजना ‘रियल’ कार्यक्रमले आ–आफ्नो बिद्यालयमा पहिलेको भन्दा यस कार्यक्रमले बिद्यार्थीहरुमा शैक्षिक गुणस्तर बृद्धि भएको र आगामी दिनमा यस्तै शैक्षिक गुणस्तरको लागि नयाँ किसिमको योजना ल्याउन आग्रह गर्नुभयो ।

 समीक्षा कार्यक्रममा शिक्षकहरुले बिद्यार्थीहरुको शैक्षिक गुणस्तरलाई बृद्धि गर्न बिद्यालयको सिकाईले मात्र नभई घरमा पनि सिकाइ निरन्तरताका लागि अभिभावकहरुले महत्वपूर्ण  भूमिका निभाउनु पर्ने कुरामा जोड दिनुभयो । समीक्षात्मक छलफलमा सहभागी शिक्षकहरूले ‘रियल’ कार्यक्रमअन्तर्गत विद्यालयहरूमा भएका पहलहरू, सिकाइ आपूरण योजना अन्तरगत बेसलाइन परीक्षण र इन्डलाइन परीक्षणबा बारेमा बिश्लेषाणात्मक टिप्पणी गर्दै सबै कक्षाका बेसलाइन सर्बेक्षण परीक्षण संचालन गरि शैक्षिक वर्षको सुरुवातमै उपचारात्मक कक्षा संचालन गरेमा शैक्षिक सुधार हुने बताउनुभयो ।

सहभागि शिक्षकहरुले परीक्षण र कक्षा संचालनमा विद्यार्थीको सहभागिता तथा चुनौतीहरूको बारेमा अनुभव आदान–प्रदान गरेका थिए। सहभागी शिक्षकहरूले आगामी दिनमा अझ प्रभावकारी कार्यक्रम निर्माणका लागि नीतिगत सुधार तथा स्रोत व्यवस्थापनमा जोड दिएका थिए ।  रियल प्लान अन्तगरको समीक्षा कार्यक्रममा स्थानीय तहका पदाधिकारी, त्रिवेणी नगरपलिका भित्रका बिभिन्न विद्यालयका शिक्षकहरु अभिभावक तथा सरोकारवालाहरूको उपस्थितिमा कार्यक्रमको प्रभावकारिता, कार्यान्वयन प्रक्रिया र आगामी रणनीतिहरूको विषयमा छलफल  तथा समिक्षा गरिएको थियो ।

त्रिवेणी नगरपालिका,बाजुराद्बारा बधाई तथा बिदाइ कार्यक्रमको आयोजना 

-रेडियो बडीमालिका संवाददाता त्रिवेणी,बाजुरा, चैत्र १७ गते-   त्रिवेणी नगरपालिका, शिक्षा,युवा तथा खेलकुद शाखाद्वारा आयोजित सो शाखामा   यस

बाजुराको पार्वती माध्यमिक विद्यालयका विद्यार्थीलाई झोला वितरण

-नबिन अयडी पैमा,बाजुरा,चैत्र ४गते-बाजुरा जिल्लाको त्रिवेणी नगरपालिका–९ मा रहेको पार्वती माध्यमिक विद्यालयका ३सय ११ जना विद्यार्थीलाई झोला वितरण