त्रिवेणी नगरपालिकाका शिक्षा पाँचौ तहका प्राबिधिक सहायक मदनबहादुर शाहीको सान्नीत्रिवेणी कालिकोटको शिक्षा सातौ तहमा पदस्थापन

-रेडियो बडीमालिका संवाददाता

त्रिवेणी,बाजुरा, चैत्र १७ गते-   त्रिवेणी नगरपालिका, शिक्षा,युवा तथा खेलकुद शाखाद्वारा आयोजित सो शाखामा   यस अघि शिक्षा पाँचौ तहमा कार्यरत  प्राबिधिक सहायक मदनबहादुर शाहीको बधाई तथा बिदाई  कार्यक्रम  सम्पन्न भएको छ । त्रिवेणी नगरपालिका,शिक्षा,युवा तथा खेलकुद शाखा,तोली,बाजुराद्वारा लोक सेवा आयोग,कर्णाली प्रदेशद्वारा लिएको शिक्षा सातौ तहको शिक्षा अधिकृत तहमा उर्तिण भएका मदनबहादुर शाहीको सान्नीत्रिवेणी गाउँपालिका,कालिकोटमा पदस्थापन भए पछि उहाँको बधाई तथा बिदाई  कार्यक्रम आयोजना गरिएको हो । बधाई तथा बिदाई  कार्यक्रममा प्रमुख अतिथिका रुपमा मन्तव्य  दिदै नगरप्रमुख कर्णबहादुर थापाले  शाहीले बाजुरामै बसेर पनि लोकसेवा आयोगको अध्ययन र तयारी गरेमा सफलता प्राप्त गर्न सकिन्छ भन्ने कुरा पुष्टि गरेको  बताउँदै उहाँ युवाहरुका लागि प्रेरणा स्रोत बनेको बताउनुभयो । मन्तव्यका क्रममा नगरप्रमुख थापाले शाहीले त्रिवेणी नगरपालिकाको शिक्षा क्षेत्रमा उदाहरणीय कार्य गरेको र उत्कृष्ट कार्य गर्ने राष्ट्रसेवक कर्मचारीको बिदाई गर्दा दु:ख लागे पनि उहाँको उन्नतिप्रगती अझ सातौ तहको अधिकृतमा सफल भएकोमा आफूलाई धेरै खुसी लागेको बताउनुभयो । 

त्यसैगरी नगरउपप्रमुख कमला जैसी न्यौपानेले आफ्नो कार्यकालको शुरुवातमै स्थायी कर्मचारी माग गरेकोमा माग गरिए बमोजिम शाही नै पहिलो स्थायी कर्मचारीका रुपमा त्रिवेणी नगरपालिकामा पदस्थापन गरेर आफुहरुले स्वागत गरेको हो भन्नुभयो । उहाँले कर्मचारी अभाव भैरहेको समयमा रातदिन नभनि काम गरेर शिक्षा क्षेत्रमा उत्कृष्ट सेवा  प्रदान गरेकोमा प्रशंसा गर्दै शाहीबाट स्थानीय युवायुवतीहरुले  सफलता प्राप्त गर्न सुत्र सिक्नु  पर्ने आवश्यकता रहेको बताउनुभयो । 

​

​कार्यक्रममा त्रिवेणी नगरपालिकाका निमित्त  प्रमुख प्रशासकीय अधिकृत तथा शिक्षा अधिकृत गणेशबहादुर साउदले  छोटो समयमै कुशल कार्य संपादनका कारण शाहीले शिक्षा क्षेत्र राम्रो छाप छाेड्न सफल हुनुभएको र त्रिवेणी नगरपालिकामा उहाँको अभाव सधै खड्की रहने बताउदै उहाँले प्राप्त गरेको सफलताका लागि बधाई ज्ञापन गर्नु भयो । उहाँले शाहीले  शिक्षा, युवा तथा खेलकुद शाखाको टोलीका साथ समन्वयतात्मक भूमिका निर्बाह गरि दैनिक सेवा संचालन लगायत शिक्षा क्षेत्रमा राम्रो परिणाम ल्याउन धेरै मिहिनेत गरेको प्रष्ट पार्नुभयो । 

​

आफ्नो बधाई तथा बिदाई  कार्यक्रममा बोल्दै शान्नित्रिवेणी गाउँपालिकाको शिक्षा अधिकृत सातौ तहमा पदस्थापन भएकोमा त्रिवेणी नगरपालिका छोड्नु पर्दा आफूलाई धेरै दुख लागेको र निजामति सेवाको प्रबेश नै त्रिवेणी नगरपालिकामा भएको, यसै पालिकामा सेवारत रहदा आफुले सातौ तहमा सफलता प्राप्त गरेको यो पालिका र शिक्षा, युवा तथा खेलकुद शाखाको सुखद अनुभव सधै स्मरण गरि रहने बताउनुभयो । उहाँले  समग्रमा त्रिवेणी नगरपालिकाको नेतृत्व र कर्मचारी  लगायत बिशेष गरि युवा तथा खेलकुद शाखामा कार्यरत कर्मचारीको मार्गदर्शनको आफु सधै ऋणि भैरहेने कुरा बताउदै बिदाई तथा बधाई कार्यक्रम आयोजना गरेकोमा आयोजक र सहभागि सबैलाई धन्यवाद दिदै भावि दिनमा पनि यस क्षेत्रका लागि आफ्नो सहयोग रहिरहने कुरा बताउनुभयो ।सो कार्यक्रममा  त्रिवेणी नगरपालिकाका नगरप्रमुख कर्णबहादुर थापाद्वारा नेपाली टोपी,कलम डायरी प्रदान फूलमालाले बिदाई तथा बधाई गर्नुभएको थियो । त्यसै गरि नगरउपप्रमुख कमला जैसीन्यौपानेले शाहीलाई त्रिवेणी नगरपालिकाका तर्फबाट मायाको चिनो प्रदान गर्नुभयो । कार्यक्रममा नगरपालिकाका पदाधिकारी, वडा अध्यक्ष,राजनितिक दलका प्रतिनिधी र पालिकाका कर्मचारीहरुको उपस्थिति रहेको थियो ।

​ ​

बाजुराको पार्वती माध्यमिक विद्यालयका विद्यार्थीलाई झोला वितरण

-नबिन अयडी पैमा,बाजुरा,चैत्र ४गते-बाजुरा जिल्लाको त्रिवेणी नगरपालिका–९ मा रहेको पार्वती माध्यमिक विद्यालयका ३सय ११ जना विद्यार्थीलाई झोला वितरण

  त्रिवेणीमा सिकाइ आपूरण तथा द्रुत सिकाइ  समीक्षा कार्यक्रम सम्पन्न

 -नबिन अयडी  तोली,बाजुरा चैत्र २ गते -बाजुरा जिल्लाको त्रिवेणी नगरपालिकामा विपदका समयमा सिकाइ निरन्तरताका लागि सिकाइ आपूरण तथा द्रुत सिकाइ