बाजुरा, डोटी र अछाम जिल्ला स्वर्णपदकबिहिन 

डडेल्धुरामा १६ औँ सुदूरपश्चिम प्रदेश स्तरीय राष्ट्रपति रनिङ सिल्ड सम्पन्न

डडेलधुरा,जेठ १६ गते-  १६ औँ सुदूरपश्चिम प्रदेश स्तरीय राष्ट्रपति रनिङ सिल्ड प्रतियोगिता डडेल्धुरामा सम्पन्न भएको छ। प्रतियोगिताको अन्तिम पदक तालिका अनुसार कुल ५८ पदक सहित कैलाली जिल्ला प्रथम स्थान हासिल गर्न सफल भएको छ। प्रतियोगितामा कञ्चनपुर द्वितीय

र डडेल्धुरा तृतिय स्थान हासिल गर्न सफल भएका छन । बाजुरा, डोटी र अछामले भने स्वर्णपदकबिहिन बन्न पुगे ।

बाजुराबाट  पुरुष भलिवल विधामा खप्तडछेडेदह गाउँपालिकाका पंकज धामी   सुदूरपश्चिम प्रदेशबाट छनौट भएर राष्ट्रपति रनिङ्गशिल्डको राष्ट्रिय  प्रतियोगिताका लागि छनौट भएका छन । बाजुराको मार्तडीमा सम्पन्न राष्ट्रपति रनिङ्गशिल्ड प्रतियोगितामा ८ पालिकाबाट खेलाडीले प्रतियोगितामा भाग लिएकोमा त्रिवेणी नगरपालिकाका खेलकुद विकास समितिका संयोजकको दुर्घटना भएपछि सो पालिकाले उक्त प्रतियोगितामा भाग लिएको थिएन । प्रतियोगितामा सहभागी सुदूरपश्चिमका ९ जिल्लाहरूमध्ये पदक तालिकाको शीर्ष तीन स्थान कैलाली (प्रथम): ३२ स्वर्ण, १७ रजत र ९ कांस्य सहित कुल ५८ पदक, कञ्चनपुर (द्वितीय): १७ स्वर्ण, १३ रजत र १३ कांस्य सहित कुल ४३ पदक र डडेल्धुरा (तृतीय): ६ स्वर्ण, ७ रजत र १७ कांस्य सहित कुल ३० पदक रहे ।प्रतियोगिताको विस्तृत पदक विवरण तालिका

प्रतियोगितामा कैलाली जिल्लाले सर्वाधिक ३२ स्वर्ण पदक जित्दै आफ्नो बलियो वर्चस्व कायम गर्‍यो। बाजुरा, डोटी र अछाम जिल्लाले स्वर्ण पदक जित्न नसके पनि अन्य विधामा राम्रो प्रतिस्पर्धा गरेका छन्। बाजुरा शून्य स्वर्णका बाबजुद ११ रजत र १५ कांस्य सहित कुल २६ पदक जित्दै पदक संख्याको हिसाबले चौथो स्थानको बैतडी बराबर रहन सफल भयो। प्रतियोगिताभर कुल ६६ स्वर्ण, ६६ रजत र १०० कांस्य गरी जम्मा २३२ पदक वितरण गरिएको थियो। सुदूरपश्चिम प्रदेशस्तरीय १६ औँ राष्ट्रपति रनिङ शिल्ड प्रतियोगिता ऐतिहासिक रूपमा पहिलो पटक पहाडी जिल्ला डडेल्धुराको अमरगढी–४ स्थित टुँडिखेलमा  सम्पन्न भएको छ। विगतका १५ वटा संस्करणहरू तराईका जिल्लाहरू (कैलाली र कञ्चनपुर) मा मात्रै सीमित रहँदै आएकोमा यो वर्ष सुदूरपश्चिम प्रदेश खेलकुद परिषद्को आयोजनामा जेठ १४ गतेदेखि १६ गते (मे २८ देखि ३०, २०२६) सम्म डडेल्धुरामा सञ्चालन भई सम्पन्न भएको हो।

प्रतियोगिताको उद्घाटन सुदूरपश्चिम प्रदेशका सामाजिक विकासमन्त्री मेघराज खड्काले गरेका थिए। प्रतियोगितामा  सुदूरपश्चिम प्रदेशका ९ वटा जिल्लाहरू डडेल्धुरा, कैलाली, कञ्चनपुर, दार्चुला, बैतडी, अछाम, बझाङ, बाजुरा र डोटी भाग लिएका थिए । १६ औँ राष्ट्रपति रनिङ शिल्ड प्रतियोगितामा करिब ९०० देखि १,००० जना खेलाडी, प्रशिक्षक तथा अफिसियलहरू सहित सहभागी भएको जनाएको छ । प्रतियोगितामा समावेश गरिएका खेलहरू (६ विधा)मा छात्र तथा छात्रातर्फ भलिबल, कबड्डी, एथ्लेटिक्स, कराते, तेक्वान्दो र उसु रहेका थिए । यहाँबाट छनोट भएका उत्कृष्ट खेलाडीहरूले आगामी जेठ २० देखि २२ गतेसम्म काठमाडौँमा हुने केन्द्रीय राष्ट्रपति रनिङ शिल्डमा प्रदेशको प्रतिनिधित्व गर्नेछन्।  परम्परागत रूपमा सुदूरपश्चिमको खेलकुदमा भौतिक पूर्वाधार र जनशक्तिको सुगमताका कारण कैलाली र कञ्चनपुरको वर्चस्व रहँदै आएको छ। यद्यपि, यस पटक पहाडी भुगोलमा खेल आयोजना हुनुले पहाडी जिल्लाका खेलाडीहरूको मनोबल र प्रदर्शनमा सकारात्मक प्रभाव पारेको छ।

जिल्लागत छनोटका आधारमा मार्सल आर्ट्स (कराते, तेक्वान्दो र उसु) र एथ्लेटिक्समा केही पहाडी जिल्लाहरूले निकै कडा टक्कर दिएका थिए । समग्र पदक तालिकामा सुगमता, सघन प्रशिक्षण र ठुलो खेलाडी संख्याको लाभ उठाउँदै कैलाली र कञ्चनपुरले नै शीर्ष स्थानका लागि मुख्य प्रतिस्पर्धा गरेका छन्। मार्सल आर्ट्स (कराते/तेक्वान्दो/उसु) तर्फ कञ्चनपुर र कैलालीका खेलाडीहरूले प्राविधिक श्रेष्ठताका कारण बढी पदक हात पारे तापनि बैतडी र डडेल्धुराका स्थानीय एकेडेमीका खेलाडीहरूले केही विधामा स्वर्ण पदक खोस्न सफल भए।  त्यस्तै भलिबल र कबड्डी: छात्रतर्फ तराईका जिल्लाको दबदबा रहे पनि छात्रा कबड्डी र भलिबलमा डोटी र अछामका विद्यालयस्तरका टोलीहरूले उत्कृष्ट रक्षात्मक खेल प्रदर्शन गरे।

एथ्लेटिक्स (ट्र्याक एन्ड फिल्ड)मा  मध्यम र लामो दुरीको दौडमा पहाडी जिल्ला (विशेष गरी बाजुरा र बझाङ) का खेलाडीहरूको 'स्टामिना' बलियो देखियो भने 'स्प्रिन्ट' (छोटो दुरीको दौड) र फिल्ड इभेन्टमा कैलाली अगाडि रह्यो।
विगत लामो समयदेखि प्रादेशिक खेलकुद कञ्चनपुरको महेन्द्रनगर वा कैलालीको धनगढीमा मात्र केन्द्रित हुँदा सातवटा पहाडी जिल्लाका प्रतिभाहरू ओझेलमा पर्ने गरेका थिए। पहिलो पटक डडेल्धुरामा खेल हुँदा पहाडी क्षेत्रका झन्डै ७०० भन्दा बढी खेलाडीले आफ्नै हावापानीमा खेल्न पाए। यसले डडेल्धुरा सदरमुकामको बजार, होटल व्यवसाय र आन्तरिक पर्यटनमा समेत प्रत्यक्ष आर्थिक टेवा पुर्‍याएको छ।
डडेल्धुराको अमरगढीस्थित टुँडिखेल मैदानमा एकैसाथ ६ वटा खेलहरू (विशेष गरी इन्डोर म्याटमा खेलाइने मार्सल आर्ट्स र कबड्डी) व्यवस्थापन गर्न आयोजकलाई हम्मेहम्मे परेको देखियो।
उद्घाटन सत्रमा सुदूरपश्चिम प्रदेश खेलकुद परिषद्का सदस्य सचिव लोकबहादुर खड्काले राज्यले कुल बजेटको न्यूनतम १ प्रतिशत मात्रै पनि खेलकुद क्षेत्रमा विनियोजन गर्न सके जगैदेखि (विद्यालय तह) खेलाडी उत्पादन गर्न सकिने यथार्थ औंल्याए। वर्तमान अवस्थामा विनियोजित न्यून बजेटले खेलाडीको दैनिक भत्ता, आधुनिक खेल सामग्री र डाइट व्यवस्थापन गर्न निकै कठिनाइ खेलक्षेत्रले गरिरहेको छ ।

थ्री नेसन्स कपको उपाधि नेपाललाई

काठमाडौं,चैत १७ - नेपालले प्रधानमन्त्री थ्री नेसन्स कप फुटबलको उपाधि उचालेको छ । फाइनलमा लाओसलाई २–१ गोल अन्तरले पराजित गर्दै नेपालले घरेलु

युएईलाई हराउँदै नेपाल विश्वकपका लागि छनोट

काठमाडौं, चैत २- ईसीसी विश्वकप लिग-२ अन्तर्गत त्रिदेशीय सिरिजको अन्तिम तथा निर्णायक खेलमा संयुक्त अरब इमिरेट्स (युएई) लाई हराउँदै नेपाल एकदिवसीय